Asociacion de Comercio de Silleda

A Asociación ECOS, Empresarios e Comerciantes de Silleda, organizou o 3 e 4 de decembro o seminario "Problemática do autónomo: Lei do Estatuto Autónomo e Modalidades de contratación"

Totalmente gratuito e o horario do mesmo será de 20.30 a 23.00 horas, cunha duración total de 5 horas, e terá lugar na Casa da Cultura de Silleda na rúa Xosé Antonio, 41.

Esta xornada, que conta coa colaboración do Ágape e o Bic Galicia, encádrase dentro da formación empresarial que organizan ditas entidades en materia de actualización de coñecementos e mellora das capacidades empresariais orientados á fase de implantación e consolidación da empresa de xeito que lles permita mellorar os seus coñecementos e aptitudes de xestión empresarial.

O obxectivo é explicar nova Lei do Estatuto do Traballo Autónomo, que entrou en vigor o 12 de xullo de 2007, así como os contratos laborais vixentes mais adecuados ás necesidades empresariais e as súas correspondentes bonificacións e incentivos. Con esta lei máis de tres milóns de persoas traballadoras por conta propia (3.118.000) van ver regulada a súa actividade, a través dunha norma de rango legal.

Os contidos do mesmo son:

1) Tipos de contratos.

2) Modalidades para o fomento da contratación indefinida.

3) Incentivos fiscais e de seguridade social.

4) Lei 20/2007, de 11 de xullo, do estatuto do traballo autónomo:

i) Autónomos dependentes.

ii) Contratación laboral de fillos.

iii) Prestación por desemprego.

iv) Convergencia co Réxime Xeral da Seguridade Social.

v) Maternidade e embarazo.

INFORMACIÓN E INSCRICIONS:

Asociación ECOS. Empresarios e Comerciantes de Silleda

Tel.: 628 13 24 79

acs@comerciosilleda.com