ECOS colabora, un ano máis, co Concello de Silleda e as distintas Asociacións do municipio no Entroido 2008, como xa ven realizando dende anos anteriores, agasallando os mellores disfraces. Para elo a Asociación ECOS vai conceder un premio de 150 euros en vales desconto, canxeables en próximas compras nos establecementos integrados na Asociación.

 

A Asociación de Empresarios de Comerciantes de Silleda vai colaborar tamén, nestas festas de carnaval, co Colexio Mª Inmaculada de Silleda, premiando os disfraces dos mozos e mozas cun reparto en premios de 450 euros en vales desconto. Os premiados poderán empregar os boletos en vindeiras compras que realicen nos comercios de Silleda adheridos a ECOS aplicándolle os correspondentes descontos.