Orde de 18 de febreiro de 2008, da Cª de Innovación e Industria, pola que se establecen as bases reguladoras para a concesión de subvencións para a modernización de comercios situados en zonas rurais da Comunidade Autónoma de Galicia en desenvolvemento do Plan de renovación e mellora do comercio galego e se procede á súa convocatoria para o ano 2008.
Estas axudas teñen por obxecto promocionar e incentivar a modernización e a implantación de comercios situados en zonas rurais de Galicia.
Ø Son subvencionables, entre outros:
§ Custo de reforma e/ou de ampliación do local comercial sempre que a superficie resultante non supere os 300 m2.
§ Deseño e execución de campañas publicitarias ou promocionais dirixidas á captación e fidelización de clientes no territorio.
§ Adquisición de vehículos comerciais de ata 3.500 kilogramos PMA (peso máximo autorizado) de uso exclusivo para o desenvolvemento da actividade económica subvencionada, segundo o anexo VI, debidamente rotulado co nome e enderezo do establecemento comercial.
§ Gastos das actas notariais que se exixen con motivo desta orde referidas ao artigo 4º k).
Ø Quedan expresamente excluídas do ámbito de aplicación desta orde as actuacións seguintes:
§ A adquisición de locais e, en xeral, de bens inmobles.
§ As obras realizadas en almacéns, trastendas, oficinas e aseos, que non se destinen a superficie de venda, así como os equipamentos destinados para estes, tales como cámaras frigoríficas, moblaxe, etc.
§ A maquinaria e equipamentos para a fabricación, transformación e elaboración de produtos de consumo final.
§ Os fondos de comercio e dereitos de traspaso.
§ Os bens usados.
§ As compras de mercadorías obxecto de comercialización.
§ As compras de material funxible e doutros elementos amortizables nun ano.
§ Os portes e outros custos de transportes.
§ As taxas por autorizacións administrativas, permisos e licenzas, tributos, o IVE soportado ou outras taxas recuperables polo beneficiario.
§ Os gastos de funcionamento da actividade.
§ Os gastos de reparación ou de mantemento.
§ Non terán carácter subvencionable os investimentos realizados mediante contratos de arrendamento.
O prazo de presentación de solicitudes remata o 31 de Marzo 2008
