A Asociación de Empresarios e Comerciantes de Silleda ECOS, clausurou  o xoves 5 de xuño o curso de Técnicas de Venda, despois de dúas semanas de duración, cunha grande acollida entre o colectivo, cun total de 15 participantes, traballadores e autónomos de empresas e establecementos integrados na Asociación ECOS.

A acción fomativa, de carácter gratuito para todos os membros de ECOS, foi impartida por José Manuel Bouzón, consultor especializado en xestión comercial e mercadotecnia das empresas, que conta cunha dilatada carreira profesional empresas de recoñecido prestixio.

O curso que tivo unha duración de dúas semanas, cun total de 16 horas lectivas, impartíuse de luns a xoves en horario de 21 a 23 horas, desde o lunes 26 de maio e ata o xoves 5 de xuño.

O curso estaba destinado tanto a propietarios como dependientes de establecementos comerciais en contacto directo con clientes: persoal de vendas, comerciais, etc.

O programa realizouse nun aula da Casa de Cultura de Silleda, cedida polo Concello.

Un dos obxectivos acadados ao longo do curso foi capacitar aos participantes no manexo das diferentes técnicas de vendas, empregando para elo un enfoque estratéxico que xenerase ventaxas competitivas na empresa. Outro dos obxectivos foi tratar de adquirir unha visión global do proceso de venda e xerar capacidade de análise das variantes produto-mercado.

O Contido do Programa foi: Vendedor: Perfil profesional; Proceso de comunicación: O Proceso de Comunicación como ferramenta do vendedor; Comunicación verbal e non verbal; Argumentos de venda e obxeccións: Fases e Metodología; O Mercado: Características, Análise, Segmentación e Perfil do cliente obxectivo; Análise de produto: Concepto, Análise do produto: A cartera de produtos e Análise do cliente: Concepto de cliente; Distintos tipos de clientes e Información do cliente.