Os días 21, 22 e 23 de novembro de 2008 Silleda acolle na Casa da Cultura o II Congreso Iberico: A Fenda dixital, onde se pretende crear un espazo de encontro entre os profesionais de Galicia e Portugal ao redor do estado actual das Tecnoloxías da Información e Comunicación (TIC), nos contextos escolares e non escolares.
Os obxectivos son:
• Reflexionar acerca das actividades que se están realizando coas TIC tanto no contexto Galego como Portugués.
• Crear un espazo de experiencias e intercambio entre o profesorado de Galicia e Portugal que se están levando a cabo ao redor das TIC nos diferentes tipos de centros: Centros Educativos, Escolas Unitarias, Centros Rurais Agrupados, Centros Integrados, etc.
• Discutir e reflexionar acerca dos principais retos que dende o punto de vista didáctico e curricular terán que enfrontarse coas TIC nos próximos anos.
• Analizar o xeito en que as TIC poden contribuir á igualdade ou desigualdade nos centros educativos.
• Identificar os problemas que se lle están formulando ó profesorado na introducción das TIC
• Favorecer un encontro entre os diferentes colectivos: Centros de Formación, Concellos, Universidades.... de cara a formular propostas de mellora.
• Reflexionar acerca das TIC en relación cos outros recursos e identificar as súas principais semellanzas e diferenzas no seu uso.
Prazas e dereitos de inscrición
• Número de prazas: será ilimitado ata esgotar a capacidade. Cubriranse por rigorosa
orde de inscrición.
• Cota de inscrición:
-Antes do 1 de Novembro: Profesores e Empregados 30 € / Estudiantes, Parados e membros de NEG 15 €.
-Do 1 ao 19 de Novembro: Profesores e Empregados 40 € / Estudiantes, Parados e membros de NEG 20 €.
A data límite remata o 19 de Novembro ás 14,00 horas.
Destinatarios
• Profesorado dos diferentes niveis do Ensino: Infantil, Primaria, Secundaria e Universitario.
• Educadores sociais, pedagogos, psicopedagogos, etc.
• Alumnado e profesorado das Facultades de CC. Da Educación de Galicia e Portugal. Así mesmo, tamén poderá participar alumnado doutras titulación relacionadas coas Novas Tecnoloxías.
• Centros de Formación e Recursos, Concellos, Sindicatos, MRPs, Xunta de Galicia, etc.
• Investigadores das diferentes universidades españolas e portuguesas.
• Nova Escola Galega e Pé de Imaxe.
• Profesionais en xeral relacionados coas TIC e interesados en reflexionar acerca do seu papel nas escolas.
Diploma acreditativo e créditos de libre configuración
• Aqueles alumnos e profesores que participen con regularidade nas sesións programadas do curso, que consta de 21 horas lectivas, recibirán un certificado acreditativo de participación.
• Concederase certificado acreditativo de participación no Congreso equivalente a 1 CREDITO de libre configuración, concedido polas tres Universidades Galegas (Facultades de CC. da Educación e Escolas de Maxisterio). (No caso da Universidade de Santiago será preciso a realización dunha memoria para a obtención do crédito. Explicarase o seu contido durante a actividade). Esta actividade está homologada pola Consellería de Educación (en trámite).
Comunicacións e posters
Poderán presentarse comunicacións, experiencias ou pósters ata o día 1 de Novembro. A extensión da comunicación será de entre 3 a 8 folios e incluirá un resumo de entre 10 a 15 liñas.
Máis información
Tel.: 986 58 00 00 - 986 58 10 28 / Fax: 986 58 10 28
E-mail: congresoiberico@gmail.com • http:www.silleda.es
