Este domingo 30 de novembro, terá lugar en Santiago de Compostela o acto de entrega do distintivo “Calidade do Comercio Galego”, que entrega a Consellería de Innovación e Industria, a través da Dirección Xeral de Comercio. O selo “Calidade do Comercio Galego” nace dentro do programa de fomento da mellora das pemes comerciais galegas, coa finalidade de constituirse en referencia para conseguir un comercio moderno, profesionalizado, comprometido e responsable socialmente. Un comercio que adquire así a excelencia e calidade na prestación de servizos aos consumidores cada día máis esixentes. Entre os galardoados, atópanse algúns dos establecementos de Silleda integrados na Asociación ECOS como son: ANDAINA, CALZADOS E COMPLEMENTOS ZAPATERÍA ZOQUIÑOS FERRETERÍA VALIÑO COMERCIAL GONZALEZ GARMAL MODA JOYERIA PARQUE JOYERÍA EULOGIO VISIÓN OPTICA SILVA PODIUM DEPORTES TECNICAS&GRAMAXE Ao acto acudirán representantes de todos os establecementos distinguidos co selo “Calidade do Comercio Galego”, acompañados polo presidente da Asociación ECOS, Javier Tato.