Dentro das accións formativas para o 4º trimestre de 2007, a Asociación ECOS (Empresarios e Comerciantes de Silleda), rematou o 2 de novembro o Curso de escaparatismo cun total de 10 horas lectivas. Esta formación contou coa colaboración da Cámara de Comercio de Pontevedra e do IES Pintor Colmeiro de Silleda.

A acción formativa estaba destinada a empresarios e traballadores do comercio, e tiña por obxectivo formar aos profesionais do comercio, profundizando na análise do produto, nas diversas formas de presentación, o estudo da montaxe e da exposión da mercancia.

No curso participaron un total de 15 persoas e rematou cunha clase práctica de deseño de 3 escaparates de establecementos asociados: Arcolar 2000 S.L., Podium Deportes e Librería Pily.